KORONADAL CITY – Nakit an na ang patay nga lawas sang isa ka security guard nga gin anod sang malapnagon nga tubig-baha sa banwa sang Alamada, North Cotabato.
Ini ang ginkumpirma ni Engr. Jeanne Pulmones, MDDRMO sang Alamada sa interbyu sang Bombo Radyo Koronadal.
Ginkilala ni Engr. Pulmones ang biktima nga si Ebrhaim Sumlay, 46 anyos kag isa ka security guard sang Hydro Power Plant sa Barangay Pigcawaran sa nasambit nga lugar.
Suno pa kay Pulmones, gin anod sang flash flood ang guard house sang Hydro Power Plant takna alas 10 , lunes sang gab i bangud sa bubo sang mabaskog nga ulan kag kaupod nga naanod ang nasambit nga guwardiya.
Sa parte na sang Polayagan-Mapurok Section sang Libungan River nasampwan si Sumlay nga nakasab it sa isa ka kamunsil//Una na nga nabalita nga tatlo ka guwardiya ang gin anod snag baha apang naguwa nga buhi ang mga ini.
