KORONADAL CITY – Nagasinggitan sang hustisya ang pamilya sang isa ka security guard nga gintiro-patay sang kaupod sini nga guwardiya sa bahin sang Sitio Miracle Valley, Brgy. Maligo, Polomolok, South Cotabato.
Ginkilala ang biktima kay Randy Baay, 29-anyos, single, security guard kag residente sang Sitio Lamkaling, Brgy. Lamkadi, Lake Sebu, South Cotabato, samtang ang suspek ang ginkilala naman kay Roderick Galicia, 29-anyos, single nga residente sang Brgy. Sibsib, Tulunan, North Cotabato.
Sandig sa imbestigasyon sang Polomolok MPS, nagbaisay ang biktima kag suspek kabangdanan sang ila pag-inaway, apang ang suspek ang nagkuha sang iya armas luthang kag gintiro sang makatatlo ka beses ang biktima.
Nadala pa sa hospital ang biktima, apang gindeklarar nga dead on arrival sang doktor.
Gilayon naman nga nagpalagyo ang suspek matapos himuon ang krimen.
Sa subong nagapadayon pa ang imbestigasyon sang kapulisan sa nagluntad nga krimen.
Nagasinggitan naman sang hustisya ang pamilya sang biktima sa natabo kag ginapanawagan nga magsungka na ang suspek.
