KORONADAL CITY – Yara na sa kustodiya sang Koronadal PNP ang isa ka security guard makaligad nadakpan sa ginpatigayon nga drug buy bust operation sa National Highway, Purok Maharlika, Barangay Saravia, Koronadal City.
Ginkilala ni Koronadal PNP chief of Police Lieutenant Colonel Joefel F. Siason ang suspek nga si Tanta Panagas, 39 anyos kag residente sang Kanguan, Datu Piang, Maguindanao Province.
Nadakpan ang suspek sa gintingob nga pwersa sang Koronadal City Police Drug Enforcement Unit kag South Cotabato Police Drug Enforcement Unit takna 1:15 sang hapon.
Nakuha halin sa suspek ang isa ka small kag medium nga sachet sang ginapatihan nga shabu, P1,000 peso bill bilang marked money nga gin-usar sa operasyon, kalibre 38 nga revolver nga may tatlo ka bala.
Pilason naman ang suspek sa iya tiil makaligad nagbato suno pa sa mga otoridad.
