Ginmanduan sang Korte Suprema ang House Quad Committee nga magkomento sa petisyon ni anay presidential spokesperson Harry Roque nga dumilian sila nga ipatawag siya sa mga masunod nga hearing.
Ginhatagan sang SC ang komite sang 10 ka adlaw halin sang mabaton ang resolusyon sang korte sa petisyon ni Roque para magkomento sa plea for prohibition.
Ang desisyon sang korte ang kadungan sang pagpamalibad sini sa petisyon ni Roque para sa writ of amparo batuk sa House Quad Comm nga nagpatigayon sang mga hearing para sa Philippine Offshore Gaming Operators (POGOs) kag iban pa nga mga isyu nga naangut sa anay administrasyon nga Duterte, kag ginasiling nga ang nasambit nga remedyo ang indi nagakaigo sa iya nga sitwasyon bangud nga limitado lang ang amparo sa extralegal killings, enforced disappearances kag mga pagpamahog.
