Naharang ng Ministry of Defense of Saudi Arabia ang apat na ballistic missile na umano’y papunta sa ilang pasilidad sa Riyadh.
Dahil sa posibilidad ng pagbagsak ng mga debris, pinayuhan ang mga residente na manatili sa loob ng kanilang mga bahay at iwasang pulutin o lapitan ang mga nahulog na bahagi ng missile.
Samantala, ipinahayag ng Israel Defense Forces (IDF) na nakapagtama sila ng humigit-kumulang 200 target sa Iran.
Gamit ang kanilang mga fighter jet, tinamaan nila ang iba’t ibang target sa kanluran at gitnang bahagi ng Iran, kabilang ang mga lokasyong pinaghihinalaang imbakan ng ballistic missiles, air defense systems, missile launchers, at mga pasilidad sa paggawa ng armas.
Iginiit din ng Israel na magpapatuloy ang kanilang mga operasyon laban sa Iran hanggang sa tuluyang mapahina ang kakayahan nitong gumamit ng mga sandata.
