KORONADAL CITY- Natalana nga mag patawag sang session sa subong nga adlaw sang Biyernes, Abril 26 2024 ang Sanggunian Panlalawigan sang probinsiya sang South Cotabato agud nga diskusyunan ang pagpaidalom sa probinsya state of Calamity kag ma usar ang Calamity fund sang probinsiya sa pagbulig sa mga apektado nga mga mangunguma sa probinsiya.
Kun matandaan 4 na ka banwa sa probinsiya ang nagdeklarar sang State of Calamity sa diin kalakip ang mga banwa sang Surallah, Tboli, Norala, Banga kag Tantangan.
Una na nga ginrekomendar sang Provincial Disaster Risk Reduction Management Council(PDRRMC) sang South Cotabato sa Sanggunian Panlalawigan (SP) sa Probinsiya ang pag deklarar sang State of Calamity sa bug-os nga South Cotabato bangud sa padayon nga na eksperiensiyahan sini nga El Niño Phenomenon.
Bangud sini, magapatawag sang special session ang SP kag magahatag sang endorsement kay South Cotabato Governor Reynaldo Tamayo.
Sa karon, ang nasambit nga mga LGUs ang nakabatyag sang tuman kainit sang panahon nga kung sa diin ang ila nga mga pananom kag mga mangunguma ang tuman nga naapektuhan.
Ginpahayag pa sang opisyal nga sila ang padayon nga naga monitor sa nasambit nga lugar agud nga mapasiguro nga indi maglala ang sitwasyon.
Madumduman nga una na nga nagdeklara banwa sang Surallah,South Cotabato sang State of Calamity bangud sa nagapadayon nga epekto sang El Niño Phenomenon ukon Dry Spell.
