Gindumilian sang Sandiganbayan ang mosyon ni anay Senador Ramon “Bong” Revilla Jr. nga magpangayo sang pag-inhibit kay Associate Justice Karl Miranda sa kaso nga malversation nga may kaangtanan sa ₱92.8 milyon nga ghost flood control project sa Pandi, Bulacan, bangud kakulang sang sapat nga basehan.
Suno sa korte, ang pag-inhibit nga wala sang klaro nga ebidensya ang nagabukas sang posibilidad sang forum-shopping kag makabalabag sa madali kag patas nga hustisya.
Ginhingyo sang kampo ni Revilla ang pag-atras ni Miranda bangud nga ang utod sang mahistrado nangin abogado ni anay Public Works Undersecretary Roberto Bernardo, nga isa na subong ka state witness, kag bangyd nga abyan ni Miranda ang lead counsel ni Revilla.
Ginpaklaro sang Sandiganbayan nga ang patakaran sa inhibition dapat ipatuman nga may ma-ayo nga konsiderasyon sa integridad kag patas nga serbisyo sang hukuman.
