Nagbalik sang milyon-milyon nga kantidad sang kwarta ang kontratista nga si Sally Santos sa Department of Justice.
Gin-kumpirma ini mismo ni Justice Spokesperson Atty. Polo Martinez matapos mag-abot sa DOJ ang pila ka armored vehicles nga nagadala sang restitution money.
Suno sa iya, 15 milyon ka piso ang ginbalik ni Sally Santos bilang bahin sang ‘restitution’ sa idalum sang kasugtanan sa Department of Justice.
Isa ang pagbalik sang nakawat nga kwarta sa mga patakaran sang kagawaran agud makasulod sa ‘witness protection program’ sa padayon nga imbestigasyon sa flood control anomaly.
Ginpanag-iyahan ni Sally Santos amo ang SYMS Construction may kaangtanan sa mga maanomalya nga proyekto.
Sa kabug-usan, naglab-ot na sa 236 milyon ka piso ang nabalik humalin sa mga imbolbado base sa ila ginsapubliko nga impormasyon.
