Nagapati si anay Albay Representative Joey Salceda nga sala nga tikang ang timprano nga pag-anunsyo ni VP Sara Duterte sang iya plano nga magdalagan sa pagkapresidente sa 2028.
Suno kay Salceda, wala pa sa husto nga panahon kag indi kinahanglan ang amo nga pahayag kay magapabilin pa sa puwesto si Presidente Ferdinand Marcos Jr. tubtob Hunyo 2028.
Bilang anay tagasuporta ni Duterte sang 2022, nagpabutyag si Salceda nga ang timprano nga pagdeklarar sang kandidatura amo ang “ill-advised move,” kag mas magapabakod ang isa ka presidential bid kun magahalin ini sa panawagan sang publiko, indi sa timprano nga pagposisyon.
Sang nagligad, gin-anunsyar ni Duterte ang iya plano nga magdalagan sa 2028, kadungan sang mga impeachment complaint nga gin-file batok sa iya kag ang hearing sa International Criminal Court (ICC) may kaangtanan sa mga alegasyon sang krimen batok sa mga biktima bangud sang kampanya kontra-droga sang iya amay nga si anay Pangulo Rodrigo Duterte.
