KORONADAL CITY – Indi sa gihapon makapati ang isa sa mga survivor sa Las Vegas massacre nga natabu ang makangilidlis nga insidente matapos nga personal sini nga nasaksihan ang panghilitabu.
Sa nangin pahayag ni International Bombo Correspondent Rhain Cabanas, nga taga Bacolod City, pagwa na ini kauod ang 3 ka abyan sa casino sang makabati sila sang asod-asod nga lupok kun sa diin ila ginkakibot sang may nagtululumba nga mga tawo sa ila nga atubangan samtang duguon.
Suno kay Cabanas, wala sa gilayon sila nakahunahuna sang kun ano ang ila nga himuon.
Kun mahapa ba sila, maduko ukon ma -dalagan bangod sa halos tanan nga tawo sa lugar ang nagapanic.
Apisar sa diin suno pa, may makit-an sila nga nagkaratumba kag indi nila mahibaluan kun sa diin naghalin ang nagapaulan sang bala.
Maayo na lang suno pa nga nakakita sila sang covenience store rason nga nakatagu pa sila.
Nagahiribion suno pa sila bangod sa kahadlok kag nag-guwa lang sa Convenience store sang may kapulisan nga nagresponder.
Dugang pa sini, nga ila pa nkit-an ang mga bangkay kag mga pilason nga biktima nga gindangat sa balay bulolngan.
Sa subong, ginpaidalum na si Cabanas kag ang iban pa nga survivor sa stress debriefing kag nagapasalamat ini nga buhi sa gihapon kag wala na-igu sang bala sa natabu nga masaker.
