-- ADVERTISEMENT --
Natukiban sang mga pulis sa Slovakia nga ido ang naga-drive sa salakyan nga ila na-monitor nga naga-overspeeding.
Ginpakigbahin sang pulis sa Facebook ang litrato nga kuha sang traffic camera sa diin makit-an nga nagapungko ang ido kag naga-uyat sang manibela.
Ginparahan naman sang mga pulis ang salakyan agud maimbestigaran.
Paathag sang 31 anyos nga lalaki nga amo gid ang naga-drive sang salakyan, gulpi lang naglumpat ang iya ido sa manibela samtang nagamaneho siya sang salakyan.
Pero pagduda sang mga pulis, ginpapungko sang lalaki sa iya sabak ang ido kag ginpauyat sang manibela.
Ginpanugyanan naman sang mga pulis ang iban nga drivers nga ilikaw gid ang mga hinuptanan nga sapat sa manibela para malikawan ang disgrasya.
