Salakyan nga kargado sang patay nga lawas sang biktima sang pagpatay sa Datu Midtimbang, naaksidente sa Sto. Niño, South Cotabato

Isa ka Starex van nga dala ang patay nga lawas sang biktima sang pagpatay sa Datu Mditimbang, Maguindanao ang naaksidente sa bahin sang Brgy. M. Roxas, Bugtong Bukid, Sto. Niño.

Nasugata ini sang isa ka dump truck (plate number UHX 697) nga may karga nga balas.

Ang bangkay nga yara sa lungon amo ang kay Flores, kag idul-ong kun tanu pauli sa ila balay sa Sto. Niño sang natabo ang insidente.

Madumduman nga nasapwan nga wala sang kabuhi ang duha ka lalaki sa isa ka liblib nga bahin sang Barangay Midtimbang, Datu Anggal Midtimbang, Maguindanao kag ginkilala  ang mga biktima amo manugbaligya sang isda nga sanday alyas Alvin , 48 anyos, kag alyas Rey, 40 anyos, kasado, kag lunsay mga residente sang Barangay Panay, Sto. Niño, South Cotabato.