KORONADAL CITY- Narekober sang Highway Patrol Group South Cotabato ang isa ka Montero SUV nga ginapatihan nga kabahin sang mga salakyan nga nadagit snag Rentangay Scam halin sa Metro Manila.
Sa ekslusibo nga interbyu sang Bombo Radyo Koronadal kay PCI Arnold Cariño ang hepe sang Highway Patrol Group sang South Cotabato, nakabaton suno pa sila sang report halin sa Regional Highway patrol group unit sa bahin sang 4-A Laguna nga may yara sang salakyan suno pa nga ginrentahan kag gindala sa syudad sang Koronadal.
Gilayon naman nga nagpatigayon sang operasyon sang HPG South Cotabato kag narekober ang nasambit nga salakyan sa bahin sang Brgy. Morales sa syudad sang Koronadal.
Dugang pa ni PCI Cariño nga ang nasambit nga salakyan ang nakarehistro kay Alvin Elescag sang Bulacan kun sa diin base sa complaint case sa HPG ginrentahan sang isa ka persona ang salakyan apang pila ka bulan ang nagligad wala na ini nabalik sa ila.
Nahibaluan nga ginpahugtan pa sang HPG South Cot ang operasyon ilabi na sa mainit nga operasyon batuk sa Rentangay scam kun sa diin nagarenta ang mga kriminal sang salakyan kag wala na ginabalik sa mga tag-iya.
