KORONADAL CITY – Maswerte nga nakaluwas ang 11 ka pasahero sang isa ka Isuzu Hi Lander matapos nga mahulog sa irrigation canal sa banwa sang Tantangan, South Cotabato.
Sandig sa report, nagluntad ang insidente pasado alas 6:00 kaina sang aga kun diin ang nagamaneho sini ang ginkilala kay ex-kagawad Luise Simbolan sang Barangay Dansuli, Isulan Sultan Kudarat.
Nahibaluan nga nagtabog ang isa ka royda sang salakyan rason nga nadulaan sang kontrol kag nahulog sa irrigation canal.
Luwas naman ang tanan nga sakay sang nasambit nga salakyan, apang isa ka driver ang pilason matapos nga nagtabog ang royda sini kag naigo ang isa ka motorista.
Ginkilala naman ang biktima kay Joey Albert Martinez, residente sang Bo. 6, Banga nga nagapaayo na subong sa balay bululngan.
