KORONADAL CITY – Nangin sentro sang mensahe sang obispo sang Diocese of Marbel sa pagsugod sang una nga adlaw sang Misa de Gallo ang pagpakita sang pagkamapainubuson ni Hesus sa iya nga mga gintutun-an ilabi na siya ang ginbun-ag sa sabsaban kag indi sa magarbo nga lugar.
Sa mensahe ni Bishop Cerilu Casicas, Obispo sang Diocese Of Marbel , ginpahayag sini nga tuman ang pagkamapainubuson ni Hesus bangud ang tiil ang pinakamanubo nga parte sang lawas kag amu man ang pinamabudlay nga aboton sa pagpalimpyo, sa diin para maabot ang pinakadalom kag pinamalayo nga parte sang lawas kinahanglan nga magduko kag magpanubo pa ang maglimpyo sini.
Ini man ang ginpakita ni Hesus sa iya nga mga apostoles tanda sang iya nga pagpangalagad kag pagsakripisyo.
Suno pa sa iya, indi madula ang higko ukon mga sala sa atung nga lawas kun kita lang mismo ang mag limpyo apang si Hesus lang ang makakakas kag makalimpyo sang tanan nga mga sala kag sa tion nga malimyo na kita sa atun nga mga sala, makasulod na kita sa ginharian sang Diyos.
Sa sini nga bahin, mangin sentro suno pa kun tani ang pasko kag pagsimba agud makita naton ang kasanag kag indi lang nga may kinahanglan kita.
