KORONADAL CITY- Nabatyagan na sa karon sang pungsod Russia ang economic sanctions nga gin patuman batok sa ila sang pipila ka mga kapungsuran bangud naman sa padayon nga tension kag kinagamo sang ila nga lugar kag sang Ukraine.
Ini ang nangin pahayag ni Bombo International News Correspondent Genevive Dignadice sa interbyu sang Bombo Radyo Koronadal.
Suno sa iya, bangod sa ila nga nabatyagan sa karon, nagalaom na lamang sila nga magbalik na sa normal ang ila nga sitwasyon makaligad ang asud asud nga pagpasirado sang mga kilala nga mga establisyemneto sa ila nga lugar bangud naman sa ginpatuman nga sanction sang iban nga pungsod.
Apang sa pihak sini, matawhay naman sila nga nakapadala sang kwarta sa ila nga pamilya sa Pilipinas apang wala sila ginapasugtan nga magbaton sang kwarta halin sa iban nga pungsod.
Dugang pa sini nga sa karon, luwas man ang ila nga kahimtanagn sa pihak sang mga napagkit kag nagaluntad nga protesta para sa pagkondena sang gobyerno sang Russia.
