KORONADAL CITY- Nagapabilin nga generally peaceful sa gihapon ang pungsod Russia sa piyak nga nagapadayon ang tension batok naman sa Ukraine.
Ini ang ginpahayag ni Ms. Genevive Dignadice, Bombo International News Correspondent-Russia, sa interbyu sang Bombo Radyo Koronadal.
Suno sa iya, sa piyak nga wala sang kinagamo sa ila nga lugar yara sa gihapon ang tension sa tagsa-tagsa ka mga pumuluyo.
Apisar nga ang Ukraine sa karun ang nagakabalaka kag nagakahadlok sa ila nga lugar lunsay amo man ini ang ila nga nabatyagan.
Ginpahayag sini nga sa karun nagnubo-nubo naman ang ila nga exchange rate kumpara sang mga tinalikdan nga semana sang nag-umpisa ang kinagamo sang Russia- Ukrain crisis.
Gindugang pa sini, nga sa karun apisar madamo sang mga sanction nga gin impusar ang nagkalain-lain nga pungsod batok sa ila wala man sa gihapon nag-untat ang gobyerno ang Russia lakip na ang mga kompanya sa pagbulig sang mga pumuluyo sa nasambit nga lugar.
