KORONADAL CITY– Nagpanindugan si Cherry Amboy, ang Clerk IV sang RTC Branch 25 sang Koronadal City nga kun ano ang iya ginpablotter sa Koronadal City PNP ang matood.
Ini angot sa gihapon sa suno pa pagpangharass kag pagpanghadlok sa iya ni Judge Renato Tampac nga nagluntad mismo sa ila nga opisina.
Ginpahayag sini sa Bombo Radyo Koronadal nga bilang isa ka clerk, indi ini magpalapit sa mga otoridad kun wala ini ginharass kag ginhadlok ni Judge Tampac.
Dugang pa sini nga wala siya nagbato pa sa hukom kag nag deretso na lamang sa PNP.
Sa pihak nga bahin, ginkumpirmar naman ni Amboy nga matuod nga ginpatawag siya ni Judge Tampac agud nga istoryahon aoang wala ini nagpasugot bangud una, bal an suno pa sini ang batasan ni Judge Tampac nga nagapangakig, nagapangharass kag nagahadlok.
Ikaduha, indi na suno pa ini ang ila nga boss bangud nagpanumpa na ini bilang hukom sang General Santos City sang Setyembre 8,2017.
Kaangot sini, ginpahayag ni Amboy nga bilang isa suno pa ka ordinaryo nga clerk, buo na ang iya desisyon nga magpasaka sang kaso batuk sa hukom bangud sa ginhimo sini nga threat kag pagpangharass.
