Ginkumpirmar ni Defense Secretary Gilberto Teodoro nga indi na pag-isapubliko sang gobyerno ang naka-skedyul nga rotation and resupply mission sa BRP Sierra Madre sa Ayungin Shoal.
Ini ang sandig sa direktiba ni Pangulong Ferdinand Marcos Jr.
Suno kay Teodoro nga nagdesisyon si Pangulong Marcos nga himuon nga routine ang RORE mission sa Ayungin Shoal.
Paathag pa ni Teodoro, nadesisyunan ini sang pangulo matapos personal nga maistorya ang suldado sang western command particular ang mga nagpatigayon sang rore mission sang June 17 nga personal nga nakaeksperiensiya sang agresibo nga aksiyon sang China.
Suno pa kay Teodoro, sandig sa mas madalom nga pagtuon kag pagbulubanta, nakita suno pa sang gobyerno nga indi aksidente kag misunderstanding lamang ang natabo kundi hungod kag agresibo subong man iligal nga paggamit sang pwersa ang ginhimo sang mga tinawo sang Chinese coast guard.
Ginpahayag pa ni Teodoro nga ang pahayag sang National Maritime Council sang Biyernes ang isa ka assessment lamang.
Dugang pa ni Teodoro nga nagapanindugan ang pangulo nga padayon nga magapangita ang gobyerno sang malinong nga solusyon sa isyu sang West Philippine Sea (WPS).
