KORONADAL CITY – Ginlubong na ang Romanian national nga naglumpat sa 7 Falls matapos ang masobra 1 ka bukan nga napabay-an sa punerarya.
Sa interbyu sang Bombo Radyo Koronadal kay Lake Sebu Mayor Antonio Fungan, nagpadala na sang sulat ang pamilya ni Paul Petrica Bratu sa Romania nga indi na nila kuhaon ang bangkay sang biktima bangud dako nga kantidad ang kinahanglan agud nga mapauli ang bangkay sini.
Pagsabton na lamang sang LGU-Lake Sebu ang halos P500,000 nga balayran sa punerarya kag pagpalubong sa biktima.
Dugang pa ni Fungan nga sa hingyo sang LGU-Lake Sebu napanubuan sa halos P30,000 ang balayran sini.
Ginlubong si Bratu sa public cemetery sa Tibet, Poblacion, Lake Sebu.
Kun madumduman nga naglumpat sa falls ang biktima bangud sa tuman nga depresyon.
