KORONADAL CITY – Daw balewala lamang kag halos indi mabatyagan sang mga pila ka mga driver ang pagnubo sa presyo sang produkto nga petrolyo subong adlaw, Hulyo 5.
Sa interbyu sang Bombo Radyo Koronadal sa grupo sang mga drivers, ginpahayag sang mga ini nga kun tani ipadayon na ini bangud ang pag saka sang presyo ang tuman nga makaapekto sa ila nga palangabuhian.
Nahibaluan nga sa advisory nga ginpaguwa sang oil companies, yari ang pagnubo sa presyo sang gatung:Diesel- P3.00 kag ang Kerosene- P3.40.
Wala naman sang pagbag-o sa presyo sang gasolina.
Ang pinakaulihi nga rollback ang gipatuman matapos ang sunud-sunod nga apat ka semana nga pagtaas sa presyo sang gasolina kag lima ka sunud-sunod nga pagsaka sa presyo sang diesel kag kerosene.
Ini ang 10% nga pagnubo lang sa year-to-date increase. Madumduman nga suno kay Energy Undersecretary Gerardo Erguiza Jr., posible nga magsaka pa sa P100 ang presyo sang kada litro sang gasolina kun padayon ang pagtaas sang presyo sang gatung sa tagsa ka semana bangud sang global demand kag sang nagapadayon nga inaway sa tunga sang Russia kag Ukraine.
