Planado na sang iconic nga OPM band nga Rivermaya ang ila North America tour.
Ipatigayon ini sa pito ka siyudad sa North America sugod sa bulan sang Setyembre tubtob Oktubre.
Sang nagtrending ang ila reunion concert sang Pebrero, nagdesisyon ang mga miyembro nga sanday Bamboo, Mark Escueta, Nathan Azarcon, kag Rico Blanco nga maghimo sang mga show sa US kag Canada.
Malipayon ang banda kay madala nila sa bug-os nga kalibutan ang kalipay sang reunion concert sang Pebrero sa Pilipinas.
Pila sa mga lugar nga ila pagakadtuan amo ang Vancouver, Canada sa Setyembre 8; Toronto, Canada sa Setyembre 13; Red Deer, Alberta sa Setyembre 14; New York City sa Setyembre 21; Temecula, California sa Setyembre 22; Los Angeles, California sa Oktubre 4, kag San Francisco, California sa Oktubre 6.
