KORONADAL CITY- Emosyonal ang ginpatigayon nga Clan war settlement sa tunga sang 9 ka pamilya halin sa munisipalidad sang Brgy. Buldon, Barira, Matanog kag Parang Maguindanao.
Sa impormasyon nga ginapalab-ot sa Bombo Radyo Koronadal gintuldukan na sang pamilya Macapeges, Macapaar, Ramalan, Salik, Malambut, Hadji Salam, Hadji Racman, Macarimbang, Casaro ang madugay na nga kinagamo sa ila nga pamilya nga nagresulta sa pag-angkon madinuguon nga encounter sa Maguindanao.
Gintambungan ang Rido settlement sang 603rd Brigade, 37IB, mga myembro kag chairmen ng Iranun Inter-Agency Task Force, Moro Islamic Liberation Front, PNP representatives, Religious Leader kag Stakeholders nga ginpatigayon sa 37IB headquarters sa Brgy. Tugaig Barira Maguindanao.
Kadungan man sang nasambit nga rido settlement ginpatigayon ang pagsungka sang mga armas.
Ginalauman man nga sa nasambit nga Amicable settlement sang Family Feud matapna na ang pagdata sang private armed groups kag matuldukan man ang pinatyanay bangud sa kinagamo nga nagapatunga sa nasambit nga pamilya nga nag-ugat pa sa ila mga ninuno
