KORONADAL CITY- Aminado si PDEA 12 Director Gil Cesario Castro nga kadamuan sa mga shooting incident ilabi na sa rehiyon 12 ang drug related.
Nahibaluan nga sini nga nakaligad nga mga inadlaw, malapnagon ang insidente sang pagpangluthang sang riding in tandem kun sa diin apisar mga ultimo nga tawo ang wala ginaluwas.
Kadamuan sa mga ginapatay sang riding in tandem ang mga nagasulod sa consignment agreement sa iligal nga droga kun sa diin sa oras nga indi na makaremit kag mapurnada ang transaksyon gilayon nga magapagwa sang ‘hit order’ ang mga sindikato agud patyon ang nagasirbe nga consignee sa iligal nga aktibidad.
Sa pagkamatuod, ginagastuhan pa sang mga sindikato ang pagpatuman sang ‘hit order’ nga nagalab-ot sa P150,000 agud patyon ang ila nga target.
Indi makatiringala nga apisar ultimo nga tawo nga imbulbado sa iligal nga aktibidad ang ila ginapatay bangud dako man nga balor sang kontrata sa iligal nga droga ang ginsudlan sang mga ini.
