KORONADAL CITY – Nagpaandam ang Department of Agriculture sa mga rice hoarders sa rehiyon 12 makaligad nakalab-ot sa ila ang impormasyon nga may mga rice traders ukon negosyante nga nagatago sang bugas sa baylo nga ibaligya sang barato subong nga nagapangatubang ang pungsod sa krisis tuga sang COVID-19 pandemic.
Sa eksklusibo nga interbyu sang Bombo Radyo Koronadal kay DA-12 Regional Dirctor Arlan Mangelen, nagakadapat suno pa nga hatagan sang atensyon ang ini nga mga sahi sang sitwasyon agud matuman sang husto ang pagbaligya sang pagbaligya sang bugas sa merkado base sa suggested retail price.
Dugang pa sang opisyal nga sa sini nga tion kinahanglan nga magtuman sang mga ini sa mga protocol bangud sa ginapangatubang nga krisis sang pungsod bangud sa COVID 19.
Sa pagkamatood, ginrekomendar na nila sa Taskforce COVID ang paghatag sang mabug-at nga silot sa mga rice hoarders.
Sa subong, mas ginpahugtan pa nila ang pagmonitor sa mga bugasan sa rehiyon 12 kag paghatag sang bulig sa mga mangunguma nga apektado sang enhanced community quarantine.
