Isa ka retired police ang ginpagpangluthang sa Brgy. Simbo sa bahin sang Purok 4, Tupi, South Cotabato alas 12:15 sang udto.
Ini ang ginkumpirma ni Police Lt. Richard Ho, Deputy Chief of Police TUPI PNP sa panayam sang Bombo Radyo Koronadal.
Ginkilala ang biktima nga si Retired SPO3 Teodorico Babao Bastan, 73 anyos, retirado nga pulis kag residente sang Brgy. Datal Bob, T’Boli, South Cotabato.
Suno kay Ho, samtang magapauli si Bastan kag ang iya asawa gamit ang XRM nga motor halin sa pagpamalengke, nasalubong nila ang mga suspek nga nagasakay sa motorsiklo.
Nahibaluan nga nakabangon pa si Bastan pagkatapos sang una nga pagluthang, apang ginbalikan ini sang mga suspek kag ginpaulanan pa agud mapadayon na nga mapatay ang biktima.
Naigo siya sang tatlo ka bala sa iya lawas.
Apang, nahibal-an man nga dugay na ini gina bantayan suno pa sang mga suspek bangud bal-an sang suspek ang pang-adlaw adlaw nga ubra sang biktima.
Sa karon, nagapadayon ang imbestigasyon sang Tupi PNP agud matumod ang motibo sang pagpatay kag makuha ang mga persona nga may kahilabtanan sa krimen.
