KORONADAL CITY- Ginbuyagyag sang malapit nga abyan sang ginpatay nga mall employee sa Koronadal nga si Jennelyn Gansing, 22 anyos kag isa ka T’boli tribe halin sa banwa sang T’boli, South Cotabato nga duha ang ginpasakaan sini sang kaso nga rape kun sa diin ang ulihi nga hearing suno pa ang ginpatigayon sang Setyembre 2017.
Suno kay “alyas April” sa iya lamang ginasaysay ni Jennelyn ang nasambit nga kaso bangud ginsekreto sini sa iya pamilya nga isa siya ka rape victim.
Ginpahayag pa ni April nga ang mga suspek ang mag-amay kun sa diin ang bata ang nakapreso na suno pa sa South Cotabato Provincial Jail kag ang amay nga isa ka retired police apang nadismiss sa nasambit nga kaso.
Limitado naman ang pahayag ni alyas April bangud sa kahadlok nga maulamid kag balikan sang mga suspek.
Kun madumduman, gina angot ang pagpatay sa katutubo nga si Jennelyn ang nasambit nga rape case nga amo ang isa sa mga ginalantaw nga anggulo sang mga otoridad.
Sa pihak nga bahin, ginlaragway sini ang abyan nga si Jennelyn nga isa ka strong woman bangud ipakigbato suno pa sini ang kinamatarong kun nahibaluan sini nga siya yara sa ensakto.
Una na nga ginpalab-ot sa Bombo Radyo sang kaingod ni Jennelyn nga bulan sang Marso subong nga tuig sang naglunatd ang pagpanglugos makaligad ini nahubog kag gindala sa isa ka lodging house kag diri ginlugos.
Apang makaligad nga nakabugtaw, diri suno pa ini nagsinggitan kag nagpangayo sang bulig sa guwardiya kabangdanan nga nadakpan ang main suspek nga ginasiling anay sini nga nobyo.
