KORONADAL CITY – Patay ang isa ka retirado nga police matapos nga ginluthang sang riding in tandem criminals sa Gate 4 sang Merkado Publiko, one way Zulueta street Brgy. Zone 1, Koronadal City pasado alas-11 kaina sang aga.
Ini ang ginkumpirmar ni Police Col. Jemuel Siason, Provincial Director sang South Cotabato sa interbyu sang Bombo Radyo Koronadal. Ginkilala ang biktima nga si Retired PMSgt. Armando Domingo, 59-anyos, kag residente sang Purok Bagacay, Caloocan, Koronadal City.
Suno kay Col. Siason, gilayon sini nga ginmanduan ang COP sang Koronadal City Police Station nga mag-imbestigar kag hibaluon ang motibo sang krimen.Gin-admiter man sang opisyal nga may mga previous record nga indi maayo si Domingo sang yara pa ini sa serbisyo nga ginasundan nila karon nga anggulo sa pagpatay sa iya.
Sandig sa mga nakakita, riding in tandem criminals ang may kahimuan sang krimen kun diin ang gun man ang nakasuksok lamang sang face mask sang ginluthang ang biktima.
Nadala pa sa South Cotabato Provincial Hospital biktima apang bangud sa naangkon nga mga pilas sa nagkalain-lain nga bahin sang iya lawas wala na ini mabulong pa.Sa subong, ginpahugtan naman ang seguridad sa bilog nga probinsiya bangud sa natabo.
