Patay ang retirado nga Police Major kag ang iya kaupod sa pagpangluthang sa bahin sang Barangay Pagagawan, Datu Montawal, Maguindanao del Sur.
Sandig sa inisyal nga imbestigasyon, ginkilala ang mga biktima nga sanday Retired Police Major Elias Dandan, may asawa kag residente sang Barangay Calawag, Pikit, Cotabato, kag si Raymund Bioy, nga residente man sang nasambit nga lugar.
Suno sa mga otoridad, sakay ang mga biktima sang itom nga Mitsubishi Strada sang ginlutahng sang wala pa matukiban nga mga suspek.
Gintinguhaan pa nga gindangat sa balay-bululngan ang mga biktima apang gin-deklarar nga dead on arrival sang attending physician.
Narekober sang mga imbestigador sa lugar ang pito ka empty shell sang wala pa matukiban nga sahi sang armas-luthang.
Sa karon, padayon ang imbestigasyon sang mga kapulisan may kaangtanan insidente agud matumod ang identity sang mga suspek kag ang motibo sang krimen.
