KORONADAL CITY- Nagpagwa sang resulta sang ginpatigayon nga re-assessment ang Mine and Geosciences Bureau sang DENR 12 may kaangtanan sa nagtuhaw nga tension cracks sa Brgy. Ned Lake Sebu South Cotabato nga nagtuga sang kabalaka sa mga pumuluyo.
Suno kay MGB 12 Engr. Ariel Acosta, sa bahin sang Seven Lake Elementary School una na nga na assess sang tuig 2016 sang MGB nga ini ang may yara sang tension cracks kag sang Marso 1, 2018 nga re-assessment may yara sang paghulag sa flagpole sang buluthuan kag nagdalum pa gid ini sang pila ka sentimetros kun sa diin amat-amat nga naga-ab-ab ang duta bangud sa tubig nga yara sa idalum sini.
samtang ginrekomendar naman ang pag-angkon sang geohazard certification halin sa MGB 12 bag-o pa man ang acquisition kag pagtukod sang animan nga proyekto ukon edifisyo kag pasilidad nga hugot nga ginakinahanglan.
Luwas sina sa bahin naman sang Aboy Elementary School natukiban sa re-assessment nga may yara sang 2 ka tension cracks nga natukiban sa 2 ka mga school buildings.
Sa Tuburan Elementary School kun sa diin una nareport nga may yara sang tension cracks nakumpirmar nga wala sang tension cracks luwas na lamang sa pila ka mga puluy-an nga yara malapit sa nasambit nga buluthuan.
Samtang sa dalan naman nga naga connect sa El Dulog -Tawang Dagat kag Tuburan natukiban nga highly fractured ang pila ka bahin sini.
