KORONADAL CITY- Dako ang posibilidad nga sa gina-inom nga tubig sang mga apektado nga mga residente sang diarrhea outbreak sa Purok Spring, Barangay Lampari, Banga, South Cotabato ang gintunaan sang nasambit nga balatian.
Ini ang nangin pahayag ni Dr. Cheron Gampong, Head sang Emergency Room sang Socksargen General Hospital sa interview sang Bombo Radyo Koronadal.
Suno sa iya, naguwa sa inisyal nila nga resulta sang laboratory test sa mga samples halin sa mga pasyente nga positibo ang mga ini sa Amoeba.
Bangud diri, dako ang posibilidad nga nakuha sang mga ini ang Amoeba sa kontaminado nga tubig nga ila nainom antes pa ang outbreak.
Gindugang pa sini nga lain-lain ang sitwasyon sa subong sang pila ka mga admitted nga pasyente bangud sa nasambit nga balatian kag may ara man sang severely dehyrated ukon nadulaan gid sang madamo nga fluids sa lawas kag daw halos indi na makahulag.
Naga tinguha man ang ila nga pamunuan nga sabton ang mga kinahanglan sang mga pasyente sa mga wards naga tiner kag manotisyaran suno pa sa gihapon nga may mga sintomas pa ang mga ini nga gina-batyag.
Liwat naman nga naga paalinton ini sa mga pumuluyo sa apektado nga lugar nga likawan anay ang pag-inom sang tap water agud nga makalikaw sa balatian.
