KORONADAL CITY- Kabahin sa responsible pet ownership ang importansya sa pag-atipan sang maayo sa mga hinuptan nga kasapatan .
Sa nangin pahayag ni Rabies Program Coordinator John Arlo Codilla, importante kag responsibilidad sang mga pet owners nga mabantayan ang ila tagsa ka mga sapat .
Ilabi na ang pagpasiguro nga kada tuig mapabakunahan ang mga hinuptan subong sang Ido kag Kuring sa City Vet Office man ukon sa Prov. Vet. Office.
Suno kay Codilla, pwede nga mapasakaan sang penalidad ang mga PEt Owers sa tion nga makakagat sang tawo kag isa ka Rabies Carrier ang ila nga hinuptan nga sapat.
Mas maayo suno pa nga nakahigot ang mga ini ukon nakasulod sa ila nga mga kulungan.
Kun madumduman nga sang tuig 2015, yara sa ika-5 ang probinsya sang South Cotabato sa may pinakamadamo nga kaso sang rabies sa bug-os nga pungsod.
