KORONADAL CITY – Nagpromisa ang Overseas Workers Welfare Administration (OWWA) nga gilayon sabton ang panginahanglanon sang mga repatriated OFW’s gikan Kuwait.
Ini matapos naman ang reklamo nga nabaton sang ila talatapan gikan sa pila ka mga nakapauli na nga mga workers gikan sa Kuwait nga wala pa makabaton sang assistance.
Sa eksklusibo nga interbyu sang Bombo Radyo Koronadal, ginpahayag ni OWWA Administrator Hans Leo Cacdac nga personal suno pa nga e-text sa iya ang mga pangalan sang mga repatriated OFW nga wala pa matagaan sang bulig agud nga maasikaso ang mga ini.
Kadungan sini, nagpanawagan man ang opisyal sa tanan nga mga OFW nga magpalapit sa ila talatapan kag magpati nga magahatag sila sang serbisyo.
Samtang, tubtob sa subong nagahulat sa gihapon sila sa development sa kaso ni Joanna Demafelis gikan sa Philippine embassy to Kuwait.
