Nagbalos si Davao City Representative Paolo “Pulong” Duterte kay Majority Leader Sandro Marcos matapos ginbatikos angut sa mga “Ghost” projects. Una nga ginsiling ni Duterte nga amo ina nga ginpili ni Pangulong Ferdinand Marcos Jr. si Isabela Rep. Faustino “Bojie” Dy III nga magbulos kay anay Speaker Martin Romualdez para matabunan ang mga bulok nga sistema bangud sang pagka-angut sang pila ka mga mambabatas halin sa kwestyonable nga flood control projects. Ginapanginwala ini sang bata nga Marcos kag ginsiling nga sa permi nga pagliban ni Duterte, wala ini ginahatagan sang bastante nga impormasyon kag gin-akusahan pa nga busy ini sa pagpangita sang P51-bilyon nga balor sang infrastructure projects sa distrito.Ginpanindugan ni Duterte nga daw kaangay nga bulag ang mambabatas halin sa Ilocos bangud napahayag na sang Department of Public Works and Highways (DPWH) Region XI nga ang P49.8-B nga balor sang proyekto. Sa ulihi, gin-engganyo ni Duterte si Rep. Marcos nga dapat magpa-hair follicle drug test na sila sang iya amay nga si Pangulong Ferdinand Marcos Jr.
