Ginpaklaro sang isa ka mamalidha nga bisan indi hatagan sang subsidy sang gobyerno, madamo suno pa ang pundo ang magamit sang Philippine Health Insurance Corp. (PhilHealth) aud ipadayon ang benepisyo nga igahatag sini sa mga miyembro nga sala sa nagakalat sa social media.
Ginpahayag ni Adiong, fake news ang nagakalat nga indi daw pwede maghilanat next year bangod wala sang pondo ang PhilHealth.
Suno kay Adiong yara sa P504 bilyon ang investible funds sang PhilHealth.
Magluwas sini, ginpahayag ni Adiong nga natala sang PhilHealth may ara sang P183 bilyon nga sobra nga reserve funds magluwas pa sa P42 bilyon nga indi magamit sa duha nga ginpagwas nga Special Allotment Release Orders ukon SARO.
Suno kay Adiong yara sa P140 bilyon lang kada tuig ang kinanglan sanng PhilHealth para sa benepisyo sang mga miyembro.
Bangod sa madamo nga pondo, wala sang ginhatag nga subsidiya ang Kongreso sa PhilHealth nga para sa indirect contributor sa 2025.
Nagapanawagan man si Adiong sa publiko nga indi magpainto sa mga wala sang basehan nga alegasyon.
