Gasalig si Manila 6th district Representative Bienvenido Abante Jr. nga makakuha sang “more than enough” ukon masobra pa sa one-third sang kinahanglan nga boto halin sa mga miyembro sang House of Representatives agud ma-impeach si Vice President Sara Duterte.
Ini kun ang pagbasehan ang nangin resulta sang botohan sang una nga impeachment sang Bise Presidente.
Ginpakigbahin ni Abante nga halin sa 311 nga kongresista, 105 nga pabor na boto lang ang kinahanglan nga equivalent sang one-third agud mapasar ang impeachment complaint sa Senado.
Suno kay Abante, kinahanglan sang 16 nga affirmative votes sang mga Senador para ma-convict ang Bise Presidente.
Nagalaum ang mamalidha nga indi ini mangin “political ploy”, bagkus mangin basehan sang mga Senador ang mga ebidensiya kag substansiya sang impeachment complaint.
