KORONADAL CITY- May yara na sang gina tan aw nga posible nga rason ang mga kapulisan sa karon sa pagpangluthang patay sa isa ka religious sa leader sa siyudad sang Koronadal.
Sa interbyu sang Bombo Radyo Koronadal kay Police Lt. Col. Amor Mio Somine, gipahayag sini nga may ginatan aw na sila sa karon nga mga anggulo nga posible nga amo yadtu ang makapadali sa pagtumod sa pagka dakop sa mga suspek.
Nahibaluan nnga ginkilala ang napatay nga si Bishop Juanito Policios, host Pastor sang God’s Family Care in Koronadal City Philippine Mission, Inc kag residente sang Barangay San Isidro, Koronadal City.
Kung madumduman nga natabo ang pagpangluthang sa biktima sa Purok Maligaya, Barangay San Isidro, Koronadal.
Naguwa sa imbestigasyon sang mga otoridad nga ginlagas sang riding-in tandem suspects ang biktima nga sakay sang iya nga motor papuli sa ila nga balay tubtub sa ginpalupkan ini sa lugar nga wala na sang panimalay .
Nahibaluan man nga bag o pa natabo ang ini nga krimen may mga nabaton na nga pagpamahog ang biktima apang indi pa matumod sa karon kung ano ang motibo sa krimen.
Nahibaluan nga nagatindog nga religious affiars coordinator sang vice mayor sang Korondal si Pastor Policious.
Sa karon ang hingyo sang pamilya sang biktima nga makuha ang hustisya sa pagkapatay sini kag madakpan na sa madali nga tion ang mga suspek.
