KORONADAL CITY- Nangin pangkabug-usan nga kampeon ang Rehiyon 12 sa ginpatigayon nga Video Making Contest sa ika 66 nga Farm Youth (4-H) National Convention nga may yara sang tema nga “LOVE. FARM. LIVE 4-H Towards Farm Tourism nga ginpatigayon sa Punta Villa Iloilo City humalin sang Mayo 23-24, 2018.
Angot sini nakuha man sang region 12 ang special award sa video making contest nga may yara man sang pinakamnataas nga Likes and Shares.
Nahibaluan nga ang Video Making Contest nga may yara sang tigulo nga “Rurok” ang estorya sang kadalag-an sang mga 4-H members nga mga kabataan nga gin-usar ang talento kag abilidad sa patag sang farm tourism rason nga nalab-ot sang mga ini ang ila handum nga makatapos sa pagtuon kag mangin professionals.
Nahibaluan nga Lead producer kag/Director sang nasambit nga video making amuh si Mitta Retirado; Producer kag Editor Girlie Jean Ziga; kag Producer Scriptwriter Krez James Cabaylo sang Syudad sang Koronadal nga anay man nga Bombo Radyo Reporter sa syudad sang Koronadal.
Magluwas sa video making contest may yara man sang food processing and packaging contest, plaque making usar ang kawayan, edible dish gardening, innovative farm tourism layout making, extemporaneous speaking, singing contest (OPM), kag 4- H quiz bee.
