KORONADAL CITY- Byahe na padulong sa Vigan ang 1,000 ka mga delegado halin sa Rehiyon 12 para sa Palarong Pambansa 2018 nga pinakadako nga Sporting Event sa pungsod.
Sa interbyu sang Bombo Radyo Koronadal kay DEPED 12 spokesperson Antonio Maganto Jr. ang mga atleta halin sa rehiyon ang preparado na sa kompetisyon kun sa diin nagakalangkag na sila nga makapauli sang bulawan nga mga medalya sa Region 12.
Dugang pa ni Maganto nga kumpyansa ini nga mabatak pa sang mga manughampang halin sa ika-5 nga pwesto ang ranking sini kun sa diin isa sa magasirbe nga Alas sang Region 12 ang mga Arnis Players sang Tacurong City nga nakapagkit sang madamo nga bulawan nga medalya sang nakaligad nga Palarong Pambansa 2017.
Kaangot sini, ginkaluipay man ni Maganto nga ang Bombo Radyo Philippines ang ginhimo nga Official Radio Network sang Palarong Pambansa 2018 kag nagpahayag sang dako nga suporta sa pagdul-ong sang First, Fast and Right nga balita para sa Palarong Pambansa 2018.
