Region 12 target ang 3rd o 4th place finish sa Palarong Pambansa 2018

KORONADAL CITY- Ginalauman ni Region 12 Sports Coordinator JoJo Duhilag nga ang individual events ang magahatag sang madamo nga bulawan nga medalya sa rehiyon 12 sa nagahilapit na nga Palarong Pambansa 2018 nga magasugod sa Abril 15-21 sa syudad sang Vigan.

Sa ekslusibo nga interbyu sang Bombo Radyo Koronadal kay Duhilag, sa early asessement ang Arnis, Athletics, Swimming, Taekwond, Gymnastics kag iban pa nga individual events ang may dako nga paglaum sa paghatag sang bulawan nga medalya.

Madumduman nga sang Palarong Pambansa 2017 sa Antique sang nakaligad nga tuig yara sa Top 5 ang region 12 apang sa karun target sang delegasyon nga maangkon ang Top 4 ukon Top 3 finish.