KORONADAL CITY- Nagapabilin sa gihapon nga drug consuming region ang Region XII pag-abot sa illegal nga droga.
Ini ang nangin pahayag ni Ms. Kath Abad, Spokesperson nga PDEA XII sa interview sang Bombo Radyo Koronadal.
Suno sa iya, base man sa ila nga latest nga monitoring sang illegal nga aktibidad sa Region XII, halos gina pasulod lamang nga mga mga droga kasubong sang shabu sa Rehiyon Dose halin sa NCR kag pila ka mga lugar papanaog sa Mindanao kag wala pa sang natumod nga illegal Drugs Laboratory ang PDEA XII sa SOCKSARGEN.
Gin pahayag man sini nga may ara sang pila ka mga surrenderees ang nagbalik man sa illegal nga aktibidad sa diin maarestar man sang ila nga mga katapo kag mapatigayunan sang operasyon.
Magluwas pa diri, nangin asud-asud man ang pagpatigayon sang anti-illegal drug operation sang pamunuan sang PDEA para madakpan ang mga persona nga naga usar, naga baligya, kag naga distribwer sang illegal nga droga sa bug-os nga rehiyon.
Dugang pa sini, wala naman sang paghulag sa presyo sang droga sa Rehiyon base sa latest nga intelligence monitoring sang PDEA XII.
Naga panawagan naman ini nga dapat mas pasangkaron pa sang LGU kag mga Barangay ang kampanya batok sa illegal nga druga.
