TEHRAN, IRAN– Nakuha sang reformist nga si Masoud Pezeshkian ang kadalag-an sa ginpatigayon nga presidential elections sa Iran.
Ginlutos ni Pezeshkian ang iya nga karibal paagi sa dako nga abanse.
Nagluntad ini sa tunga sang tuman nga tensyon sa sulod kag guwa sang ila nga pungsod.
Halin sa 30.5 milyon nga boto nga gin-isip sa runoff sang nagligad nga Biyernes, nagdaug si Pezeshkian sang masobra 16.3 milyon.
Diri kag ginlutos niya ang iya ultraconservative rival nga si Saeed Jalili, nga nakakuha sang 13.5 milyon, suno sa Iran media.
Nahibaluan nga ang voter’s turnout ang may kabug-usan nga 49.8% nga abanse.
Naelihir si Pezeshkian sa ikaduha nga round sang pagboto matapos makuha ang pinakamataas nga numero sang mga balota.
Ang bag-o nga pangulo ang magatal-os kay President Ebrahim Raisi, nga napatay sa helicopter crash sang May 19, 2024.
