KORONADAL CITY – Gindeklarar na subong sang Regional Disaster Risk Reduction and Management Council 12 ang red alert status sa bugos nga rehiyon kasunod sang mga napagkit nga mabaskog nga pagtay-og nga nagbilin sang madamo nga casualties.
Ini ang ginkumpirmar ni Jorie Mae Balmediano, Information Officer ng Office of the Civil Defense 12 sa esklusibo nga interbyu sang Bombo Radyo Koronadal.
Suno kay Balmediano, tanan nga mga concenred agencies kasubong sang PNP, DSWD, DOH kag iban pa nga ahenysa ang naka-alerto bangud sa mga nabatyagan nga mga aftershocks sa bug-os nga SOCKSARGEN Region.
Ginpahayag man sini nga 24/7 ang ila nga pagmonitor sang mga lugar ilabi na sa mga apektado nga mga pumuluyo sa banwa sang Makilala, Tulunan kag Kidapawan City nga una nagdeklarar sang state of calamity.
Kaangot sini, naka-activate na ang tanan nga mga incident command system sa provincial,city kag municipal levels.
Naka-standby tubtob subong ang emergency response personnel kag search rescue team sang 54 nga local government units sa rehiyon.
