KORONADAL CITY – Naglab-ot na sa gakalain lain nga lugar sa Mindanao ang suno pa recruitment sang non-government organization nga World Philosophical Forum (WPF) nga ginausar ang UNESCO agud makapangolekta sang P520 sa madamo nga tao.
Ini ang ginpahayag sang isa ka concerned citizen sa interbyu sang Bombo Radyo Koronadal.
Suno kay alyas Marlon, madamo man sang mga residente sa Barangay Dukay, Esperanza, Sultan Kudarat ang nangin myembro sang WPF sa paglaum nga makabaton sang P10,000 nga bulanan nga benipisyo halin suno pa sa UNESCO.
Mangin ang iya mga kaupdanan kay nagkaginamo bangud luyag sang mga ini nga mangin lider sa pagpati nga mas madako ang mabaton sang mga Purok leaders o Barangay leaders.
Madumduman nga ginpanginwala sang UNESCO nga konektado sa ila o may partnership ang WPF saila mga programa.
Sa pamatood, gapanawagan ang Philippine National Commission-UNESCO sa mga publiko nga indi magpatunto sa nasambit nga organisyon.
Una na natukiban nga ang pagpangolekta sang kwarta sang WPF sa syudad sang Koronadal nga ginpangunahan sang mga pastor makaligad nga magreklamo ang pila ka mga barangay kapitan sa panibag-o nga modus sini.
