KORONADAL CITY – Ginaimbestigaran na sang mga otoridad ang suno pa padayon nga recruitment sang ISIS-inspired group sa mga probinsiya nga sakop sang Rehiyon Dose.
Ini makaligad nga mapatay sa nagluntad nga engkwentro engkwentro sa banwa sang Polomolok, South Cotabato ang ginapatihan miyembro sang local terrorist group nga Ansar al-Khilafah Philippines matapos magbato sa mga otoridad.
Ginkilala ang napatay nga suspek nga si Benzaid Nilong, residente sang Barangay Sulit sa nasambit nga banwa nga suno pa isa lamang sa mga ginhanas sang napatay nga leader sang Ansar al-Khilafah Philippines nga si Mohammad Jaafar Maguid alyas “Tokboy”.
Sa interbyu sang Bombo Radyo Koronadal kay PSI Aldrin Gonzales, PNP 12 spokesperson nga patuloy pa ang beripikasyon sa suno pa ginahimo nga pagpangrecruit sang mga local terrorist.
Madumduman nga may bitbit nga M16 armalite rifle si Nilong kag mga kaupdanan sini sang masita sang mga nagapatrolya nga pulis.
Magluwas diri, una naman naguwa ang report nga may natabo man nga recruitment activity sang ISIS-inspired group sa Sultan Kudarat kag Maguindanao.
