KORONADAL CITY- Ginpaabot sa subong sa waragwagan sang Bombo Radyo Koronadal ang nagtuhaw suno pa sang isa ka misteryo kag gina alegar nga armed group nga nagapang recruit sang mga batan-on sa bahin sang Brgy.Tablo, Tampakan ,South Cotabato nga daw kulukasubong nga may gina tukod nga armed group.
Sa interview sang Bombo Radyo Koronadal kay Kagawad Jerly Dohina-Ferolino sang Barangay Tablo, ginpahayag sini nga may ara sang mga naga luntad nga pagpang recruit nga naga luntad sa ila nga lugar nga ginapangunahan suno pa sang isa ka Gilbert Peralta kag ginahimo nga miyembro sang Raja Sulaiman Peace Keeping Group, Special Security Group sa diin ang requirements amu nga mga valid IDs lamang kag birth certifacate.
Magluwas pa diri, makabaton suno pa sang P30,000 nga sweldo kada bulan nga halin sa World Bank ang mga miyembro nga marecruit kag ipa-idalom sa training.
Ang tanan naman suno pa nga kamanduan sa sulod sang Raja Sulaiman Peace Keeping Group, Special Security Group ang igapapanaog sang ginakabig nga “Queen” kag “King” kag dapat tumanon man sang tanan nga miyembro.
Sa subong, suno pa kay Kagawad Ferolino, halos 18 na ka mga indibidwal ang nahibaluan niya nga narecruit sang amu nga grupo.
Naga kabalaka naman ang pila ka mga pumuluyo sa ini nga mga grupo bangud sa wala pa ang mga ini nakaagi sa opisina sang Barangay kag munisipyo agud nga mapakita nga lehitimo ang ila nga transaction
