KORONADAL CITY- Nagsabat na sa Bombo Radyo ang recruiter sang ginbansagan nga Dianamite investment scam sa South Cotabato makaligad ini nga ginreklamo sang masobra 40 ka mga miyembro nga ginrecruit sini agud mag invest sang minilyon nga balor sang kwarta.
Sa ekslusibo nga interbyu sang Bombo Radyo Koronadal kay Diana Roldan, isa ka anay Overseas Filipino Worker, wala suno pa ini sang plano nga magpanonto sa iya mga ginrecruit apang natabuan suno pa nga napressure ini makaligad nga madelatar ang pagpatigayon sang pay-out sang ila founder.
Nahibaluan nga indi Dianamite ang matuod nga pangalan sang investment nga ginsudlan nila apang Dragon Investment suno pa kag ang Dianamite ang bansag lamang sa ila groupchat kun sa diin sila nagapatigayon sang transaksyon.
Ini naman sini masiling kun sin-o ang founder bangud wala sini personal nga nakilal-an ang lider kag sa baylo naga agi pa sa iban nga tawo ang transaksyon sang kwarto.
Sa karon wala sini nahibaluan kun san-o mabalik ang kwarta sang mga miyembro rason nga nahuna hunaan sini nga maghalin anay agud maprotehiran ang iya kaugalingon kag pamilya.
Nahibaluan nga yara sa P6 million ang ginreport nga kwarta nga kinahanglan mabalik sini sa mga miyembro.Top
