KORONADAL CITY- Naga kaangay nga busision kag id-idon sang korte ang pagbawi sang mga alegasyon ukon “recantation” sang self proclaimed nga drug lord nga si Kerwin Espinosa agud nga ma verify ang kamatouran sa mga pahayag sini batok sa kaso ni batuk kay Senator Leila de Lima, sa opersyon sang droga labi pa sa New Bilibid Prison (NBP).
Ini ang nangin pahayag ni Atty. Francis Carlos, isa ka private lawyer sa interview sang Bombo Radyo Koronadal.
Suno sa iya, naga kaangay nga padalman sang korte ang “recantation” sini bangud mahimo nga matoud nga wala gid man sang kamatouran ang iya nga alegasyon batok sa senadora kag mahimo nga may intimidation sa mga otoridad kag napilitan lang si Espinosa nga akuon ang mga ginaduhol sa iya nga mga kaso.
Dugang pa sini ang recantation ang mahimo nga pamaagi agud nga bawion ang mga nahauna nga pahayag nga ginbungat bangud sa kahadlok, intimidation ukon consequences kun indi ini magpati.
Madumduman nga nagsumiter sang counter affidavit sa Department of Justice kag National Prosecution Service (DOJ-NPS), ang kampo ni Kerwin Espinosa.
Suno sa iya nga pahayag ginpanginwala ni Espinosa ang nauna sini nga pahayag ukon extra judicial confession, nga ginsumite sa mga hearing sang Senado sadtong 2016.
Suno sa iya nga pahayag, ginpuwersa, ginpilit kag ginpahog lamang siya sang mga kapulisan agud mag-imbento sang istorya, sa kahadlok sini suno sa iya matapos nga matapay ang iya nga amay nga si Mayor Rolando Espinosa Sr., masobra 2 ka semana antes ang hearing.
