KORONADAL CITY- Ginkalipay sang mga otoridad nga yara na sa 43 ka mga rebelde ang nagsungka sa ila nga hanay ilabi na sa Bagumbayan, Sultan Kudarat humalin sang bulan sang Enero tubtub subong nga bulan sang Marso.
Ini ang ginpahayag ni Capt. Perry John Gonzaga, Civil Military Operations Officer , 5th Special Forces Battalion, sa interbyu sang Bombo Radyo Koronadal.
Suno sa iya, lakip sa mga rason suno pa sang mga rebelde nga nagsungka sa gobyerno ang kakapoy, gutom kag luyag nga makapangabuhi sang insakto.Dugang pa sini nga padayon ang ila nga ginahimo nga tikang ilabi na sa mga nabukid nga bahin sa ila nga nasakupan agud masiguro ang kaluwasan sang publiko ilabi na sa mga Geographically Isolated and Disavantageg o GIDA areas.
Sa karon, ang luyag lamang sang opisyal amo ang magsungka na ang mga nabilin pa nga mga terorista nga grupo agud nga indi na magkaresulta sa pinatyanay kag mga kinagamo kag makatuga sang kahadlok ilabi na sa mga sibliyan.
