KORONADAL CITY- Patay ang isa ka Rape Suspet sa banwa sang Parang Maguindanao makaligad nga magbato sa mga myembro sang Parang PNP sa banwa sang Parang, Maguindanao.
Sa impormasyon nga ginpalab-ot sang Parang Municipal Police Station , nagpatigayon sang Mobile Patrol ang tropa sang makabaton sila sang tawag halin sa isa ka concerned citizen nga ang suspek suno pa sa nagluntad nga brutal nga pagpanglugos sa isa ka menor de edad sa Brgy, Gumagadong Calawag ang nagpadulong sa Sitio Mariga Lupa, Brgy. GT Biruar, Parang Maguindanao.
Gilayon naman nga ginpadulungan sang tropa sang Parang PNP sa pagpanguna ni Police Supt. Ibrahim Jambiran, hepe sang Parang MPS ang ginahamtangan sini kun sa diin samtang papalapit pa lang sila sa suspek nga si Polak Maximo Alcantara nagpagwa na ini sang iya armas luthang kag ginpalukpan ang isa ka pulis nga kabangdanan naman sa pagluthang man sa suspek sang pila ka myembro sang Parang PNP nga nagresulta sa iya gilayon nga kamatayon.
